बार्शिटाकळीतील श्री खोलेश्वर मंदिरात 'द ग्रेट मराठा मित्र मंडळा'च्या आयोजनात हजारो भाविकांच्या उपस्थितीत जलाभिषेक....

बार्शिटाकळीतील श्री खोलेश्वर मंदिरात 'द ग्रेट मराठा मित्र मंडळा'च्या आयोजनात हजारो भाविकांच्या उपस्थितीत जलाभिषेक..

बार्शिटाकळी तालुका प्रतिनिधी श्रावण भातखडे 

बार्शिटाकळी :- बार्शिटाकळीतील ऐतिहासिक खोलेश्वर मंदिरात यावर्षी पार पडलेली 'द ग्रेट मराठा मित्र मंडळा' आयोजित भव्य कावड यात्रा 2025 ही केवळ एक धार्मिक परंपरा नव्हे, तर सामाजिक जागृतीचेही प्रतीक ठरली. हजारो भाविकांच्या उपस्थितीत भक्तिभावाने पार पडलेल्या या यात्रेने संपूर्ण शहरात एक वेगळेच भक्तिमय वातावरण निर्माण केले. 

यात्रेची सुरुवात छत्रपती शिवाजी महाराज चौकात पारंपरिक दहीहंडी उत्सवाने करण्यात आली. शिवगर्जना, ढोल पथकांचे निनाद, आणि वारकरी संप्रदायाचा सहभाग यामुळे यात्रेला अधिक तेजस्वी आणि ऊर्जा देणारा आरंभझाला. शिस्तबद्ध नियोजन आणि सामाजिक संदेशांची प्रभावी मांडणी कार्यक्रमाचे संपूर्ण नियोजन अत्यंत शिस्तबद्धरीत्या पार पहले.

2000 ते 3000 भाविकांसाठी महाप्रसादाचे आयोजन करण्यात आले होते, शांततेत आणि अनुशासनात पार पडलेला हा उपक्रम अकोला जिल्ह्यात आदर्श ठरला आहे. विशेष म्हणजे यात्रेदरम्यान सादर करण्यात आलेल्या 'बेटी बचाव, बेटी पढाव' आणि 'झाडे लावा, झाडे जगवा' या विषयांवर आधारित पथनाट्यांनी सामाजिक संदेश पोहचवण्याचे कार्य यशस्वीरित्या पार पाडले. लहानग्यांचा अनुशासित सहभाग ठरला प्रेरणादायी यावर्षीच्या यात्रेतील सर्वात भावस्पर्शी आणि प्रेरणादायी पैलू म्हणजे लहान चिमुकल्यांचा शिस्तबद्ध सहभाग. त्यांच्या हातातील भगवे झेंडे, मुखावर भक्तिभाव आणि 'हर हर महादेव' च्या जयघोषाने वातावरण भारावून गेले. लहान वयात त्यांनी दाखवलेली भक्ती आणि शिस्त भाविकांसाठी आदर्श ठरली. शैक्षणिक क्षेत्रातही मंडळाचे उल्लेखनीय योगदान'द पेट मराठा मित्र मंडळा' केवळ धार्मिक नव्हे, तर शैक्षणिक क्षेत्रातही अग्रगण्य आहे. छत्रपती शिवाजी महाराज चौकात वर्षभर चालणाऱ्या मोफत कोचिंग क्लासेसच्या माध्यमातून MPSC, PSI, STI आणि पोलीस भरतीसारख्या स्पर्धा परीक्षांसाठी मार्गदर्शन केले जाते. डिजिटल क्लासरुमच्या सहाय्याने दर्जेदार शिक्षण देण्याचे हे कार्य संपूर्ण अकोला जिल्ह्यात आदराचे स्थान मिळवत आहे. 

भव्य कावड यात्रा केवळ धार्मिक यात्रेपुरती मर्यादित न राहता, सामाजिक बांधिलकी, शैक्षणिक कार्य आणि भाविकांच्या अनुशासनाचे प्रतीक बनली आहे. 'द ग्रेट मराठा मित्र मंडळा'चे हे एकत्रित कार्य निश्चितच इतर मंडळांसाठी प्रेरणास्थान ठरत आहे.