👉सैन्य दलाच्या नावाचा वापर करून जिल्ह्यातील औषधी विक्रेत्यांना गंडा घालण्याचा प्रयत्न.... 👉औषधी विक्रेत्यांनी अशा कोणत्याही आमिषाला बळी न पडण्याचे संघटनेचे आवाहन....

👉सैन्य दलाच्या नावाचा वापर करून जिल्ह्यातील औषधी विक्रेत्यांना गंडा घालण्याचा प्रयत्न

👉औषधी विक्रेत्यांनी अशा कोणत्याही आमिषाला बळी न पडण्याचे संघटनेचे आवाहन 

बार्शिटाकळी प्रतिनिधी श्रावण भातखडे

बार्शिटाकळी : मागील कित्येक दिवसापासून अज्ञात व्यक्ती स्वतःला सैन्य दलाचा अधिकारी सांगत फोन कॉल आणि व्हाट्सअप द्वारे औषधी पाहिजेत म्हणून औषधी विक्रेत्यांना बोलून त्यांना व्हाट्सअप यादी टाकत पेमेंट करण्याच्या नावावर क्रेडिट किंवा डेबिट कार्ड व फोन पे, गुगल पेची काही गोपनीय माहिती विचारून लुबाडण्याचे काम करत होता . 

अकोला जिल्हा केमिस्टं ड्रगिस्ट संघटनेच्या पदाधिकाऱ्यांनी आज दिनांक १९ जानेवारी २०२५ रोजी जिल्हा पोलीस अधीक्षक अकोला यांना पूर्ण प्रकरणाची माहिती दिली व त्यांनी लगेच या विषयाची गंभीरता घेऊन तात्काळ स्थानिक गुन्हे शाखेकडे प्रकरण सुपूर्द करून चौकशीचे आदेश दिले गुन्हे शाखेचे प्रमुख शंकर शेळके यांनी तात्काळ कामाला सुरुवात करत चौकशी सुरू केली पदाधिकाऱ्यांच्या समक्ष त्यांनी सायबर सेलची मदत घेऊन लोकेशन घेतले त्यातून असे दिसून आले की सदर कॉल्स करणारी टोळी ही उत्तर प्रदेशच्या जंगलात सक्रिय आहे शेळके साहेबांनी कार्यवाही करण्याचे हमी देत सांगितले की संबंधित नंबरला तात्काळ ब्लॉक करण्याचे निर्देश सर्व औषधी विक्रेत्यांना द्या