👉आशा स्वयंसेविकांची पदभरती प्रक्रिया संशयाच्या भोवऱ्यात...👉निवड झालेल्यांपैकी ३ महिला उमेदवार व निवड समीतीवर कारवाईची मागणी

👉आशा स्वयंसेविकांची पदभरती प्रक्रिया संशयाच्या भोवऱ्यात...

👉निवड झालेल्यांपैकी ३ महिला उमेदवार व निवड समीतीवर कारवाईची मागणी

बार्शिटाकळी प्रतिनिधी श्रावण भातखडे

बार्शिटाकळी : स्थानिक नगरपंचायत क्षेत्रात आशा स्वयंसेविकांची निवड शासनाच्या परिपत्रकानुसार झाली नसल्याने दिनांक २१ ते २७ सप्टेंबर २०२३ या कार्यकाळात घेण्यात आलेल्या निवड प्रक्रिया महिला उमेदवार अपात्र असून निवड झालेल्या तीनही आशा स्वयंसेविकांची निवड खोट्या व दिशाहीन कागदपत्राच्या आधारे करण्यात आली आहे त्या कागदपत्राची चौकशी करून खोट्या व दिशाहीन कागदपत्रे सादर करणाऱ्यावर कलम १९३, १९९, व २०० संबंधित कायद्यानुसार कारवाई करून घेण्यात आलेली निवड प्रक्रिया रद्द करण्याचे मागणी सह चुकीच्या पद्धतीने निवड झालेल्या निवड समितीच्या पाचही अधिकारी कर्मचाऱ्यांवर म.ना.से शिस्त व अपील अधिनियमन १९७९ मधील तरतुदीनुसार कारवाई करण्याची मागणीची तक्रार पदवीधर महिला उमेदवार मीनाक्षी संदीप शिरसाठ व वैशाली हेमंत वानखडे रा. अशोक नगर बार्शिटाकळी यांनी दिनांक २४ जानेवारी २०२४ रोजी जिल्हाधिकारी कार्यालय अकोला , सामान्य प्रशासन विभाग जिल्हा परिषद अकोला , राष्ट्रीय आरोग्य अभियान अकोला, यांच्यासह संबंधित विभागाकडे केली आयुक्त कुटुंब कल्याण व संचालक राष्ट्रीय आरोग्य अभियान महाराष्ट्र राज्य यांच्या वतीने नगरपंचायत क्षेत्रात आशा स्वयंसेविकांचे पदभरती करिता मुख्य कार्यपालन अधिकारी अकोला यांना पत्राद्वारे निर्देशित करण्यात आले असता जुलै २०२४ या महिन्यात अर्ज केलेल्या व मुलाखत पत्र देण्यात आलेल्या उमेदवारांची दिनांक १२ सप्टेंबर २०२३ रोजी प्राथमिक आरोग्य केंद्र कान्हेरी सरप येथे निवड प्रक्रिया घेण्यात आली मीनाक्षी शिरसाठ व वैशाली वानखडे या दोन्ही अर्जदार महिला ११ वाजता वेळेवर मूळ कागदपत्रासह हजर होत्या तर मुलाखत पत्र देण्यात आलेल्या दुसऱ्या महिला देखील उपस्थित होत्या परंतु मुलाखत घेण्याकरिता हजर असलेले अध्यक्ष तथा वैद्य अधिकारी, एच. ए.एल.एच.व्ही., गटप्रवर्तक असे अधिकारी कर्मचारी , आशा स्वयंसेविकांच्या निवड करण्याकरिता हजर होते शासकीय परिपत्रकानुसार निवड समितीला विधवा महिलांची निवड करायची होती मात्र तसेच झालेले निवड समितीने पदवीधर महिलांचे कोणते कागदपत्र न पाहता व सर्व प्रश्नांची अचूक उत्तरे दिल्यानंतर सुद्धा पद निवड गुणात्मक तक्त्यामध्ये पदवीधर यांना शून्य गुण देण्यात आल्याचा निंदनीय प्रकार सदर निवड समितीने केला असून चार पैकी एक महिला उमेदवार अर्चना रवींद्र जामनिक यांची निवड योग्य प्रकारे झाली असून याबाबत आमची काही तक्रार नाही मात्र इतर तीन महिलांची निवड प्रक्रिया खोट्या कागदपत्राच्या आधारे जाणीवपूर्वक झालेली असल्याने सादर केलेल्या कागदपत्रावरून दिसून येते कमी शिक्षण असलेल्या उमेदवारांचे नियमबाह्य व मनमानीपणे निवड केल्यास आरोप करील दोन पदवीधर महिला उमेदवारांनी केला निवड समितीने निवडलेल्या तिन्ही महिलांची निवड देवाण-घेवाण करीत खोट्या कागदपत्राच्या आधारे केली आहे त्यांची निवड रद्द करण्यात यावी अशा प्रकारची तक्रार संबंधित विभागाकडे करण्यात आली आहे कारवाई न झाल्यास उपोषणाला बसण्याचा इशारा तक्रार कर्त्या महिलांनी दिला