👉दगडपारवा येथे नमो चषक कबड्डी सामन्यातील प्रेक्षक गॅलरी कोसळून ५० हुन जास्त जखमी...

👉दगडपारवा येथे नमो चषक कबड्डी सामन्यातील प्रेक्षक गॅलरी कोसळून ५० हुन जास्त जखमी.

👉जखमींना अकोल्यातील रुग्णालयात दाखल केले ..

बार्शिटाकळी प्रतिनिधी श्रावण भातखडे 

बार्शिटाकळी : बार्शीटाकळी शहरालगत असलेल्या दगडपारवा स्थित तालुका क्रीडा संकुल येथे सुरू असलेल्या नमो चषक कबड्डी सामना दरम्यान प्रेक्षक गॅलरी तुटल्याने ५० हुन जास्त नागरिक जखमी झाले हकीकत अशाप्रकारे आहे की मुर्तीजापुर विधानसभा मतदारसंघाचे आमदार हरीश पिंपळे व त्यांच्या सहकाऱ्यांनी दिनांक १२ जानेवारी २४ ते १४ जानेवारी २४ पर्यंत नमो चषक कबड्डी स्पर्धेचे आयोजन केले होते या स्पर्धेत राज्यभरातून महिला व पुरुष खेळाडूंनी सहभाग नोंदवला होता. गत दोन दिवसापासून स्पर्धा सुरळीतपणे सुरू होती आणि आज दिनांक १४ जानेवारी हा शेवटचा दिवस त्यातच रविवार असल्यामुळे सदर स्पर्धेतील कबड्डी सामने पाहण्यासाठी प्रेक्षकांची उपस्थिती मोठ्या प्रमाणात होती प्रेक्षकांना सामना पाहण्यासाठी मैदानावर तीन प्रेक्षक गॅलरी उभारण्यात आल्या होत्या परंतु लाकुड व बांबूचा वापर करून बनवण्यात आलेल्या प्रेक्षक गॅलरीपैकी सर्वात मोठी गॅलरी आज दिनांक १४ जानेवारी २०२४ रोजी दुपारी ३ वाजून ३० मिनिटाच्या दरम्यान पत्त्याच्या बंगल्याप्रमाणे कोसळली मैदानावर हाहाकार माजला पन्नासहुन अधिक नागरिक जखमी झाले बहुतांश लोकांना कंबरेला मोठ्या प्रमाणात मार लागल्याचे बार्शिटाकळी ग्रामीण रुग्णालयातील कर्तव्यावर उपस्थित असलेल्या वैद्यकीय अधिकारी यांनी सांगितले १८ रुग्णाला प्रथमोपचार करून अकोला येथे पाठवण्यात आले त्यातील काही खाजगी तर काही सर्वोपचार रुग्णालयात उपचार घेत असल्याची सूत्राची माहिती आहे. 

घटनास्थळावर  उपस्थित असलेले व ह्या घटनेचे प्रत्यक्षदर्शी आयोजकांच्या अशा तकलादु नियोजनावर ताशेरे ओढताना दिसले एखाद्ये मोठे आयोजन करताना त्यांचे चोक नियोजन असावे लागते परंतु या आयोजनात प्रेक्षकांच्या सुरक्षेची बिलकुल ही काळजी घेतली गेली नाही असे उपस्थित लोकात बोलणे सुरू होते 

दरम्यान जखमींची भेट घेण्यासाठी वंचित बहुजन आघाडीचे जिल्हाध्यक्ष प्रमोद देंडवे, महासचिव मिलिंद इंगळे व त्यांचे बार्शिटाकळी तालुका कार्याध्यक्ष गोरशिग राठोड, शेख नईमोद्दीन , येथील सहकारी ग्रामीण रुग्णालयात पोहचले व त्यांनी जखमींची विसरपुस केली प्रसार माध्यमांशी बोलताना या घटनेला आमदार हरिश पिंपळे यांचे ढिसाळ नियोजन जबाबदार असल्याचे म्हटले वृत्त लिहेपर्यंत सामने सुरू झाले नव्हते आयोजक असलेले भारतीय जनता पार्टीचे आमदार हरीश पिंपळे यांनी अकोल्यातील रुग्णालयात दाखल असलेल्या जखमींची भेट घेतल्याची माहिती मिळाली आहे 

चौकट १

बार्शिटाकळी पोलीस स्टेशनचे ठाणेदार शिरीष खंडारे व त्यांच्या सहकाऱ्यांनी त्वरित घटनास्थळी धाव घेऊन जखमींना रुग्णालयात दाखल करण्यात मोलाची भूमिका बजावली 

चौकट २

वंचित बहुजन आघाडी तर्फे सदर दुर्दैवी घटनेबद्दल खेद व्यक्त करताना भाजप आमदार व त्यांच्या सहकाऱ्यांच्या डिसाळ आयोजनाचा तीव्र शब्दात निषेध व्यक्त केला यावेळी वंचित बहुजन आघाडीचे जिल्हाध्यक्ष प्रमोद दंडवे,  महासचिव मिलिंद इंगळे,  शेख नइमोद्दीन , सुनील शिरसाठ , अजहर पठाण, अमोल जामनिक, अमित तायडे,  इमरान खान फ्रुटवाले उपस्थित होते