🏘️ 'गोंडर' कादंबरी चा महाराष्ट्राच्या राजधानीत सन्मान...... 📚 ________________________________________

🏘️ गोंडर' कादंबरी चा महाराष्ट्राच्या राजधानीत सन्मान...... 📚 

________________________________________

महाराष्ट्राची राजधानी तथा मायानगरी म्हणून ओळखली जाणारी स्वप्ननगरी मुंबई मध्ये माझ्या 'गोंडर' या कादंबरीचा "मराठा मंदिर" या नामवंत संस्थेकडून प्रथम पुरस्कार देऊन सन्मान करण्यात आला.

आदरणीय शरदचंद्र पवार साहेब या संस्थेचे अध्यक्ष असून ही संस्था गेल्या ७७ वर्षापासून महाराष्ट्रातील सांस्कृतिक क्षेत्रामध्ये कार्यरत आहे. मराठा मंदिरच्या साहित्यातील कादंबरी प्रकारातील प्रथम पुरस्कार 'गोंडर'या माझ्या कादंबरीला प्रदान करण्यात आला. मी आणि माझा बाप या पुस्तकाचे लेखक डॉक्टर नरेंद्र जाधव डॉक्टर अजय काकोडकर आदी मान्यवरांची उपस्थित कार्यक्रम झाला. आजवर कधीही न गेलेला मी मुंबईला "गोंडर" या कादंबरीच्या निमित्ताने गेलो. माझ्यासाठी मुंबई ही नवीन होती. अनेक काम आली होती..पण जाण्याचा योग आला नाही.. पण "गोंडर" कादंबरीने मला थेट मुंबई दाखवली.असेही म्हणायला हरकत नाही.म्हणूनच मुंबईला पाहून.

अबब...मुंबई...! हे शब्द तोंडातून बाहेर पडणं काही नवीन नाहीत. मुंबई हे मायानगरी असून प्रचंड मोठं शहर आहे. या नगरीतील समुद्र किनारा नगरीतील रक्तवाहिनी जशी अतिशय महत्त्वाची तशी वाहतूक करणारी लोकल ट्रेन,चैत्यभूमी, गेट वे ऑफ इंडिया, ताज हॉटेल, जुहू चौपाटी असे महत्त्वाचे ठिकाण पाहण्यात आली मुंबई मधील गगनचुंबी इमारती त्यांवरील वर्दळ विशेष म्हणजे लोकल ट्रेनची गर्दी हे अनुभवताना मुंबई मुंबईच आहे याची अनुभूती झाली तसा आमचं नांदेड शहर हे खूप मोठे शहर आहे या शहरात आम्ही राहतो पण शेवटी मुंबई ते मुंबईच आणि माणू एकदा का मुंबईला गेला की मुंबईचा होऊन जातो..तसा मुंबईचा भन्नाट आनंद घेतला. समुद्रकिनाऱ्यावर समुद्राच्या बोटिंगचा आनंद घेतला आणि अख्खी मुंबईचा भन्नाट आनंद घेऊन आलो.. मित्रहो विशेष सांगायला आवडेल की एवढे मोठी मुंबई असताना सुद्धा या मुंबईत माझ्या जिवाभावाचे हक्काची प्रचंड माणसे आहेत. याचा मला सार्थ अभिमान वाटतो.

गेली दहा वर्षे मी कविकट्टा चळवळ सातत्याने चालवली आहे. त्यात महाराष्ट्रातल्या लाखो लोकांपर्यंत आपण गेलो आहोत. यात हक्काची प्रत्येक शहरामध्ये जिल्ह्यामध्ये वाडे वस्ती तांड्यांमध्ये माणसे निर्माण झाले आहेत. असाच मुंबईला गेलो असता मी मुंबईत आहे. हे कळताच अनेकांनी मला फोन केले आणि आमच्याकडे या किंवा तुम्ही कुठे भेटणार आहात.. असे विचारून भेटीचे नियोजन तयार केले. त्याचा आनंद वाटला. कट्ट्याच्या माध्यमातून निर्माण झालेली ही नाती अगदी रक्ताच्या नात्या पेक्षाही पुढे जाऊन जीव हा निर्माण करणारी आहेत. अनेकांचे फोन आले त्यात प्रसिद्ध लेखिका मा.निर्मला शेवाळे यांचा फोन आला आणि त्यांनी सांगितले की तुम्ही मुंबईला आलात आणि मुंबईत आपलं घर आहे. इतर कुठेही न थांबता आमच्या घरी मुक्काम करावा..असा आग्रह त्यांनी धरला आणि मीही खरोखरच माझे दिवसभराची काम आटोपून त्यांच्याकडे गेलो. माननीय रंजीत शेवाळे साहेबांनी प्रचंड आमच्या स्वागत केलं आणि दोघेही दाम्पत्यांनी केलेले आदरातिथ्य कल्पनेच्या बाहेर आणि शब्दाच्या पलीकडे आहे. त्यांनी मुंबईतील जुहू चौपाटी, कोळीवाडा आणि सर्व परिसर फिरून दाखवला तसेच लेखिका मा.विद्या पवार यांनी त्यांच्या स्मॉल कोर्ट येथे बोलून नाष्टा आणि भेटीची तयारी केली. संपूर्ण कोर्ट फिरून दाखवलं..तसेच उल्का माडेकर दत्तात्रेय चिमटे संजय कुमार सुनिता बापट अशा अनेक मित्र-मैत्रिणींचे होणारे अनेकांना भेटलो अनेकांना भेटायचे राहून गेले पण नक्कीच जेव्हा पुढील वेळी मुंबईतील तेव्हा सर्वांना भेटण्याचा आश्वासन देऊन शब्द देऊन मी मुंबईतून परतलो एकंदर मुंबई ही मायानगरी आहे. या मायानगरीचा आनंद मला माझ्या गोंडर या कादंबरीने घेता आला. त्याबद्दल गोंडरचे आणि इसाप प्रकाशनाचे संचालक मा. दत्ता डांगे साहेब कवी कट्टा चळवळीतील सर्व सहकारी गोंडर या कादंबरीचे महाराष्ट्रातील आणि महाराष्ट्र बाहेरील वाचक परीक्षक,समीक्षक पुरस्कार देणाऱ्या विविध संस्था या सर्वांचा मी अगदी ऋणी आहे आणि ऋणातच राहू इच्छितो.. कादंबरीची घोडदौड अशीच पुढे चालू राहणार आहे..यासह आपल्या सर्वांच्या शुभेच्छा स्वीकारून मी पुढील कामाला लागणार आहे..

मनःपूर्वक धन्यवाद...!

अशोक कुबडे

___________________________________