👉पिंजर प्राथमिक आरोग्य केंद्रामध्ये एकही कर्मचारी उपस्थित नसल्यामुळे इसमाचा मृत्यू.... ‌ 👉जिल्हा परिषद सदस्यांच्या उपस्थितीत संतप्त नागरिकांनी दवाखान्याला ठोकले कुलूप.... 👉आरोग्य उसंचालक यांनी लक्ष देण्याची मागणी.....

👉पिंजर प्राथमिक आरोग्य केंद्रामध्ये एकही कर्मचारी उपस्थित नसल्यामुळे इसमाचा मृत्यू

👉जिल्हा परिषद सदस्यांच्या उपस्थितीत संतप्त नागरिकांनी दवाखान्याला ठोकले कुलूप

 👉आरोग्य उसंचालक यांनी लक्ष देण्याची मागणी 

बार्शिटाकळी प्रतिनिधी श्रावण भातखडे 

बार्शिटाकळी  : तालुक्यामधील पिंजर प्राथमिक आरोग्य केंद्रा अंतर्गत येणाऱ्या भेंडीमहाल येथील ५२ वर्षीय अंबादास भिका राठोड यांची रविवारी सकाळी अचानक तब्येत खराब झाली. त्यांना लगेच भेंडी महाल गावातील आरोग्य उप केंद्रामध्ये नेले होते, परंतु उप केंद्राला कुलूप असल्याने त्यांना तात्काळ पिंजर येथील प्राथमिक आरोग्य केंद्रामध्ये उपचारार्थ आणले होते, परंतु त्या ठिकाणी एकही कर्मचारी उपस्थित नव्हता. रुग्णाची प्रकृती अस्वास्थ्यामुळे वातावरण संतप्त झाले होते,अश्यातच अंबादास राठोड यांची प्रकृती खालावत असल्यामुळे त्यांना एका खाजगी दवाखान्यात घेऊन गेले, त्यावेळी डॉक्टरांनी त्यांना मृत घोषित केले. 

          बार्शीटाकळी तालुक्यातील पिंजर हे गाव मोठे असून येथे प्राथमिक आरोग्य केंद्र असून ते नसल्यासारखे आहे, पिंजर प्राथमिक आरोग्य केंद्राचा कारभार ऐका महिला वैधकीय अधिकाऱ्याकडे असून त्या नेहमी गैरहजर राहत असल्याचा ठपका गावकरी आणि मृतकाचे नातेवाईकांनी केला आहे, या प्राथमिक आरोग्य केंद्रात दोन वैद्किय अधिकारी कार्यरत आहेत, पण रविवारी सकाळी प्राथमिक आरोग्य केंद्रात एकही कर्मचारी आणि अधिकारी उपस्थित नव्हते. भेंडी महाल येथील अंबादास भिला राठोड वय ५२ वर्षे याचा प्राथमिक आरोग्य केंद्रात मृत्यू झाला,असा आरोप नातेवाईकांनी केला आहे, कोणाचे खेटर, कोणाच्या पायात, अशी काहीशी स्थिती पिंजर प्राथमिक आरोग्य केंद्राची झाली आहे, पिंजर प्राथमिक आरोग्य केंद्राच्या अंतर्गत ऐकून ६४ खेडेगाव जोडले आहे, दररोज कुठे ना, कुठे अघटीत घटना घडत असतं, कधी डॉक्टर हजर नसतात तर, कधी कर्मचारी हजर नसतात, तर कधी प्राथमिक आरोग्य केंद्रात औषधी साठा उपलब्ध नसतो, असाही लोकांनी आरोप केला आहे,या बाबत जिल्हा आरोग्य अधिकारी यांना या आधीच लोकांनी प्राथमिक आरोग्य केंद्राच्या कारभाराबाबत समस्या मांडल्या होत्या, परंतु त्यांनी आजपर्यंत कोणतेही ठोस पावले उचलली नाहीत, त्यामुळे येथे मृत्यू सारख्या घटना घडत आहेत, मृतक अंबादास राठोड यांच्या मृत्यूला कारणीभूत असलेल्या विरुद्ध कार्यवाही करावी, आणि या ठिकाणी दररोज वैद्यकीय अधिकारी, कर्मचारी, उपस्थित ठेवावे, अन्यथा या प्राथमिक आरोग्य केंद्राला अधिकाऱ्यांनी नेहमीसाठी कुलूप लावून ठेवावे, अशी लोकांची मागणी आहे, एवढी गंभीर घटना घडल्यानंतर या अधिकाऱ्यांना थोडेही दुःख वाटले नाही, अशी चर्चा सुरू आहे, गेल्या ८ फेब्रुवारी रोजी असाच एक रुग्ण हलगर्जी पणामुळे मरण पावला होता, त्या आधी सुद्धा, अनेक रुग्ण दगावले असल्याचा आरोप स्थानिक नागरिकांनी केला आहे, त्यामुळे रोज मरे, त्याला कोण रडे .... अशी काहीशी स्थिती या आरोग्य केंद्राची झाली आहे,

बॉक्स

रविवारी सकाळी प्राथमिक आरोग्य केंद्रात वैद्यकीय अधिकारी, कर्मचारी हजर होते, तरी सुद्धा मी या प्रकरणी सहाय्यक जिल्हा आरोग्य अधिकारी यांना चौकशी करण्याचे निर्देश देत आहे,

बळीराम गाढवे, जिल्हा आरोग्य अधिकारी, जिल्हा परिषद अकोला

रविवारी सकाळी माझे काका अंबादास भिकाजी राठोड यांना छातीत दुखणे असल्यामुळे त्यांना आधी गावातील उप केंद्रामध्ये नेण्यात आले, परंतु तेथे कोणीच हजर नव्हते, मी वैद्यकीय अधिकारी यांचे घरी गेलो, ते घरी सुद्धा हजर नव्हते, वरिष्ठ अधिकारी आपल्या कर्मचाऱ्याचा झाक झाकत आहेत, डॉक्टर आणि कर्मचारी हजर नसल्यामुळे त्याचे वर उपचार झाले नाहीत,माझ्या काकाचा मृत्यू सर्वांच्या हलगर्जी पणामुळे झाला आहे, मृत्यू झाल्यानंतर डॉक्टर आले होते, हा तांडव पाहून संतप्त लोकांनी प्राथमिक आरोग्य केंद्राला कुलूप ठोकले, आरोग्य उप संचालक यांनी योग्य ती चौकशी आणि दोषी विरुद्ध कार्यवाही करावी, 

 पंजाब गोविंदराव राठोड,

मृतकाचे पुतणे, रां, भेंडी महाल 

रुग्णाच्या जीवाशी खेळणे, हे योग्य नाही.....

मी यापूर्वीच सर्व कर्मचाऱ्यांना, आणि अधिकाऱ्यांना मुख्यालय हजर राहून रुग्णाची सेवा करावी, यात कोणतीही कुचराई होता कामा नये, अश्या सूचना दिल्यानंतरही अधिकारी, कर्मचारी, गैरहजर राहून लोकांच्या जीवाशी खेळत असतील तर , हे अजिबात बरोबर नाही, असा हा प्रकार कधीच खपवून घेतल्या जाणार नाही, ८ फेब्रुवारी सुद्धा असाच प्रकार घडला होता, रविवार च्या घटनेमुळे लोकांच्या भावना संतप्त झालेल्या आहेत, त्यामुळे लोकांनी रोष व्यक्त करत, प्राथमिक आरोग्य केंद्राला कुलूप ठोकले आहे, वरिष्ठ अधिकाऱ्यांनी याची चौकशी करावी, या ठिकाणी कर्मचारी, अधिकारी उपस्थित ठेवावे, अन्यथा दुसरे पाऊल उचलावे, लागेल,

अनुसयाबाई उत्तमराव राऊत

जिल्हा परिषद सदस्या, पिंजर 

सारकिन्ही येथील ग्राम पंचायतीला पंचायत समितीचे सभापतीपतीची भेट !

बार्शिटाकळी प्रतिनिधी श्रावण भातखडे 

बार्शिटाकळी :  बार्शीटाकळी पचायत समिती अंतर्गत येणाऱ्या मौजा सारकिन्ही येथील आदर्श ग्राम पंचायतीला सभापती पती संजय पाटील मानतकर, पत्रकार प्रदीप गावंडे यांनी सदिच्छा भेट दिली असता, सरपंच राम पाटील आंबेकर , व रावसाहेब पाटील आंबेकर, उपसरांच अनिल चव्हाण, प्रभाकर पाटील आंबेकर ग्राम पंचायत सदस्य,कर्मचारी प्रकाश आगे, इत्यादींनी त्यांचे स्वागत केले, आणि ग्राम पंचायतीचे कारभारा बाबत माहिती दिली, या वेळी सभापती पती संजय पाटील मानतकर,आणि अखिल भारतीय मराठा महासंघाचे जिल्हा उपाध्यक्ष प्रदीप गावंडे आदी उपस्थित होते, या वेळी सरपंच राम पाटील आंबेकर, उप सरपंच अनील चव्हाण, यांनी गावात केलेल्या विकासकामांची माहिती दिली, उपस्थित सामाजिक कार्यकर्ते तथा सभापती पती संजय पाटील मानतकर, आणि पत्रकार तथा अखिल भारतीय मराठा महासंघाचे जिल्हा उपाध्यक्ष प्रदीप गावंडे यांनी यांनी ग्राम पंचायती बाबत प्रशंसा केली, सर्वांच्या सहकार्याने गावचा याही पेक्षा विकास झपाट्याने होईल, असा विश्वास आदर्श सरपंच राम पाटील आंबेकर यांनी व्यक्त केला ,

पिंजर येथे श्री संत गजानन महाराज प्रगट दिनानिमित्त विविध धार्मिक कार्यक्रमाचे आयोजन

बार्शिटाकळी प्रतिनिधी श्रावण भातखडे 

बार्शीटाकळी : तालुक्यामधील पिंजर येथे श्री संत गजानन महाराज यांच्या प्रगटदिनानिमित्त येथील बस स्थानकावरील गजानन महाराज मंदिरमध्ये विविध धार्मिक कार्यक्रमांचे आयोजन करण्यात आले आहे, भजन, कीर्तन, भागवत,श्रीहरी कीर्तन, प्रवचन दिनांक २४/२/२४ ते ३/३/२४ पर्यंत ह, भ, प, श्री विठ्ठल महाराज इंगळे यांचे वाणीतून कथा वाचन होणार आहे, रविवारी भाविक भक्तासाठी गजानन महाराज मंदिर व्यवस्थापनाने महाप्रसादाचे आयोजन केलं आहे, सर्व भाविक भक्तांनी या धार्मिक कार्यक्रमाचा आणि महाप्रसादाचा लाभ घ्यावा, असे आवाहन करण्यात आले आहे,

              पिंजर येथील जुन्या बस स्थानकावरील गजानन महाराज मंदिरामध्ये श्री च्या प्रगट दिनानिमित्त कथा वाचन, आणि श्री हरी कीर्तन,भजन प्रवचन सुरू आहे,दिनांक २/३/२४ रोजी सकाळी ११ वाजता ते संध्याकाळी ७/३० पर्यंत श्री. पादुकांची गावातून प्रभात फेरी काढण्यात येईल,३/३/२४ ह, भ, प, विठ्ठल महाराज इंगळे यांचे दुपारी १२/३० वाजता काल्याचे कीर्तन, व ग्रंथपुजन राहील, त्यानंतर भाविकांना महाप्रसादाचे वाटप करण्यात येणार आहे, त्यामुळे पिंजर आणि परिसरातील सर्व भाविक भक्तांनी या धार्मिक कार्यक्रमाचा आणि महाप्रसादाचा लाभ घ्यावा ,

असे आवाहन गजानन महाराज देवस्थानचे अनिल वडूरकर , ह भ प ज्ञानदेवराव जवके, आणि या कार्यक्रमासाठी रात्रंदिवस परिश्रम घेणारे आजूबाजूचे सर्व भाविक, गावकरी, महिला, तरुण मंडळीने केले आहे,