👉आरोग्य कर्मचाऱ्यांच्या रखडलेल्या पदोन्नती व आश्वासित प्रगती योजनेचा लाभ लवकर न मिळाल्यास संघटना उचलणार आंदोलनाचा पवित्रा 👉महाराष्ट्र राज्य नर्सेस व आरोग्य कर्मचारी संघटनेचा आंदोलनाचा इशारा

👉आरोग्य कर्मचाऱ्यांच्या रखडलेल्या पदोन्नती व आश्वासित प्रगती योजनेचा लाभ लवकर न मिळाल्यास संघटना उचलणार  आंदोलना चा  पवित्रा 

👉महाराष्ट्र राज्य नर्सेस व आरोग्य कर्मचारी संघटनेचा आंदोलनाचा इशारा

बार्शिटाकळी : अकोला जिल्हा परिषद आरोग्य विभागातील कर्मचाऱ्यांना आश्वासित प्रगती योजना व पदोन्नतीचा लाभ द्या याबाबत दोन वर्षापासून जिल्हा परिषद आरोग्य विभाग अकोला येथे संघटनेच्या वतीनेसतत  निवेदन  सादर करण्यात येत आहे.  मात्र  या निवेदनाची दखल घेण्यात येत नसल्यामुळे संघटनेच्या वतीने  आरोग्य कर्मचाऱ्यांना आपले आश्वासित प्रगती योजना व पदोन्नती   लाभ  लवकरात लवकर न मिळाल्यास तीव्र आंदोलन छेडण्यात येईल  याबाबतचे निवेदन    जिल्हा परिषद आरोग्य   सभापती माया ताई नाईक  यांना     

 व  जिल्हा आरोग्य अधिकारी  डॉ. बळीराम गाढवे  यांना महाराष्ट्र राज्य   नर्सेस व  आरोग्य कर्मचारी संघटनाअकोला र. नं. 38 81 यांच्या वतीने आरोग्य सभापती यांच्या दालनात 9/ 12 /2024 रोजी निवेदन सादर करण्यात आले.

 अकोला जिल्हा परिषद आरोग्य विभागात जिल्हा आरोग्य अधिकारी कार्यालय, तालुका आरोग्य अधिकारी कार्यालय, प्राथमिक आरोग्य केंद्र, आणि उपकेंद्र, येथे कर्मचारी मोठ्या संख्येने कार्यरत आहेत, यामध्ये आरोग्य सेविका,आरोग्य सेवक, स्वास्थ अभ्यंगता, आरोग्य पर्यवेक्षक, आरोग्य विस्तार अधिकारी असे पद कार्यरत आहेत, जिल्ह्यातील या सर्व कर्मचाऱ्यांना दरवर्षी आश्वासित प्रगती योजना व पदोन्नती  शासन निर्णयानुसार मिळणे  अपेक्षित आहे, मात्र अकोला जिल्ह्यात आरोग्य  कर्मचाऱ्यांना लाभ मिळण्यासाठी अनेक वर्ष प्रतीक्षा करावी लागत आहे, यापूर्वी सुद्धा२०२१ मध्ये संघटनेने चार दिवस काम बंद  आंदोलन करून    आरोग्य कर्मचाऱ्यांना आपले हक्क मिळवून दिले होते. मात्र आता दोन वर्षापासून सतत पाठपुरावा करून सुद्धा आरोग्य कर्मचाऱ्यांना लाभ मिळत नाही आहे. त्याबाबतची निवेदन देण्यात आले. आरोग्य सभापती मायाताई नाईक व जिल्हा आरोग्य अधिकारी डॉक्टर बळीराम गाढवे यांच्यासोबत याबाबत  चर्चा करण्यात आली आहे. त्यांनी  लवकरात लवकर आरोग्य कर्मचाऱ्यांची यांच्या मागण्या  पूर्ण करण्याच्या तोंडी आश्वासन सुद्धा दिली आहे.  यावेळी  महाराष्ट्र राज्य नर्सेस  व आरोग्य कर्मचारी  संघटनेच्या जिल्हाध्यक्ष संगिता जाधव, जिल्हा सरचिटणीस संजय डाबेराव, जयवंत मालोकार, रुपेश वासनकर,   गजानन इंगळे, रितेश वानखडे,मदनराव वानखडे, देवेंद्र वाडेकर, राम मेटांगे,प्रदीप दादळे  , राजेंद्र सरदार, राम तायडे, ए. बी वानखडे, श्रीमती एस. आर. गावात्रे,  सुरेखा गीते, आर. पी. शिरसाट. प्रियंका आंभोरे,  फासे साहेब, अर्चना गवई, एस. बी. वानखडे,  वृंदा  विजयकर, एस. बी.  तारमेलवार,  मनोहर घुगे, आर. पी.  शिरसाट, एच. डी घुगे, टी  ओ . ताजणे,  एम एस तायडे, एस टी बुध ,जी जी इंगळे, रत्नमाला  कानकिरड, प्रज्ञा तायडे, सुनील गावडे, दुबे , इत्यादी सह बहुसंख्य आरोग्य कर्मचारी उपस्थित होते